الاستماع للقران الكريم          مركز رفع الصور         صفحتنا علي الفيس بوك

           

تنبية مهم لكل عضو قبل طرح المواضيع :: لتفادي إيقاف العضوية وحذف جميع المواضيع نأمل من كل عضو طرح مواضيعه في القسم المخصص لها وإلا سوف يتم حذف جميع مواضيعه وحظر عضويته فـوراً ..


آخر 10 مشاركات سكن ايجل هيلز (الكاتـب : بنت الرياااض - )           »          MISSLER TOPSOLID 7.14 (x64) Multilanguage (الكاتـب : apple2000 - )           »          PTC Creo 6.0.4.0 with HelpCenter (الكاتـب : apple2000 - )           »          صعوبات التعلم (الكاتـب : بنت الرياااض - )           »          Adobe Dreamweaver 2020 20.1.0.15211 x64 Multilingual (الكاتـب : apple2000 - )           »          Adobe Premiere Pro 2020 14.0.2.104 (x64) Multilingual (الكاتـب : apple2000 - )           »          Adobe After Effects 2020 v17.0.3.58 (x64) Multilingual (الكاتـب : apple2000 - )           »          Adobe Premiere Elements v2020.1 x64 Multilingual (الكاتـب : apple2000 - )           »          Adobe Photoshop 2020 v21.1.0.106 (x64) Repack by SanLex (الكاتـب : apple2000 - )           »          ZWCAD Mechanical 2020 SP2 (x64) (الكاتـب : apple2000 - )

إضافة رد
 
أدوات الموضوع انواع عرض الموضوع
  #41  
قديم 2016-06-16, 02:14 PM
الصورة الرمزية ورد فاتن
ورد فاتن ورد فاتن غير متواجد حالياً
عضو مبدع
 
تاريخ التسجيل: May 2016
المشاركات: 750
ورد فاتن is on a distinguished road
افتراضي رد: ♥ نـادى المسلسل العـــــــــــــــــــــــ supernatural ــــــــــــــــــــــــالمى ♥

اقتباس:
المشاركة الأصلية كتبت بواسطة a7md

الحلقة الخامسة
مارى الدموية

زمان و انت صغير كانت والدتك تقولك متقفش قدام المراية كتير احسن يطلعلك العفريت بتاعها ههههههههههههه
مين فينا مكنش بيسمع الكلام و يروح يقف قدام المراية و يفضل يبص و يبحلق و و يتهيئله ان فى صورة حد بيضحكله فى المراية
يقوم صارخ و يطلع يجرى
ههههههههههههههههههههههههههههههه
مين فينا محصلش معاه الكلام ده و هو صغير

رجع المسلسل لعادته الاولى و هو انه اختار ضحاياه من المزز و البنات الحلوة
هههههههههههههههههههههههههههههه
طبعا قصد المسلسل كالعادة انه يستفز المشاهد و يشحنه و يجنده فى صف الابطال
و افضل حاجة عشان يعمل الكاتب ده اما انه يموت انثى جميلة او طفل برئ
لكن مازال الكاتب كالعادة يعانى فى بداية كل حلقة و يخلينا نسأل نفسنا ازاى اقتنع باختيار الابطال للمهمة و بانتقالهم لموقع الجريمة و حاجة كمان الرشوة اللى قدمها سام مقالناش الكاتب لغاية الوقت هما بيشتغلوا ايه او بيصرفوا منين و بيقضوا دنيتهم ازاى
طيب لو كان خلاهم بيشتغلوا صحفيين مش ده هيبرر الفلوس اللى بيضيعوها و هيسهلهم اسئلتهم و تحقيقاتهم مع الناس و مع الشرطة
بدل الهبل اللى هما فيه فى كل حلقة و هما بيحاولوا يستخرجوا المعلومات من ده و من ده و كل شوية حد من الشهود يكسفهم و يطردهم
الكاتب عنده حاجات احسن من كده
نرجع للقصة لغاية الوقت مارى الدموية احلى حلقة لغاية الوقت
بدأت بجو مرعب مشوق
و انتهت بجو مرعب مشوق
بدايتها بطفلة صغيرة انت خايف لتكون هدف للقتل فى بداية الحلقة
و نهايتها خايف ليكون حد من ابطال المسلسل هدف للقتل
الوحيدة اللى استهدفتها مارى الدموية و نجت منها كانت البنت اللى سمعت كلام ابطال المسلسل
هههههههههههههههههههههههههه
و كانه عاوز يوصلك رسالة كان لازم تسمع كلام مامتك
و انت صغير و متقفش قدام المراية
هههههههههههههههههههههههههههه
مارى الدموية رغم كل الرعب و القتل اللى بتعمله لكنها كانت عادلة فى اختيار ضحاياه
كانت بتختار المذنبين و خصوصا فى العلاقات العاطفية و منها البنت اللى اتسببت فى انتحار حبيبها لما قررت تبعد عنه
هههههههههههههههههههههههههههههه
حته فى نهاية الحلقة برضه معجبتنيش و متهيالى الكاتب عاملها لتطويل الحلقة البوليس لما طب على الابطال و هما جوه محل المرايات يتصرفوا ازاى قال ايه دين يضرب الاتنين الشرطيين يوقعهم بسهولةهههههههه ليه هو فيلم هندى
لكن الطريقة اللى انتهت بيها مارى الدموية كانت حلوة ماتت بنفس سلاحها
المراية هى كمان كانت لازم تتحاسب مش هتفضل طول عمرها الجلاد
فى نهاية الحلقة عادت حبيبة سام جيسيكا للظهور فى اجمل صورة بالذمة مش كاتب متخلف انه يموت قمر زى دى و فى اول حلقة
ههههههههههههههههههههههههه
مين فيكم بقي حد مضايقه يحب يحضرله مارى الدموية
ههههههههههههههههههههههههههههههههه
ايوه شايفك يالى هناك يالى فى بالى
هههههههههههههههههههههههه
عاوز ترفع ايدك حاسس بيك و الله
ههههههههههههههههههههه




تعليقى على الحلقة الخامسة من السيزون الاول هيكون ردا على تعليقك يا احمد

الصورة اللى انت جايبها دى مرعبة بصراحة يا احمد
ايوة فعلا الموقف اللى بتشرحه دة حصل معايا وانا صغيره ههههههههههههه وفى الاخر بطلع اجرى

بالنسبة لأحلام سام فى البداية كانت كلها لمنظر جيسكا وهى بتتعذب فى السقف وبتموت محروقة
وطبعا فى اخر الحلقة ذهبت عنه الاحلام دى لما اتصالح مع نفسه وبطل يلوم نفسه وبطل يحسسها بالذنب

طبعا مشهد الراجل المرتشى فعلا فعلا مستفز جدا وكان هاين عليا اضربه انا بالنيابة عن دين هههههههههههههه
يخربيت سحنته وهو متنح بغلاسة وبيقوله قلت لاء هههههههههه تك لئة تلؤك يابعيد ههههههه :d
كمان هجاوبك يا احمد على النقطة اللى انت سألت فيها
بخصوص الفلوس الكتيرة اللى مش دايما بتكون معاهم
دين محترف قمار اساسا وواضح ان العائلة مش متدينه اطلاقا ولا حتى بيروحوا يصلوا فى الكنيسة
ومعظم فلوسهم بيجيبوها اما من القمار او فلوس تقديرا من الناس اللى هو بينقذوهم فى اغلب الاوقات
وعلى فكرة
هم مهما كسبوا فقراء للأسف


فعلا الجزء بتاع الضرب مش دخل دماغى خالص
دين ضرب البوليس ضربه واحدة لكل منهم اصابتهم بالقاضية وكأنه محمد على كلاى مثلا هههههههه

بالنسبة للضحايا فعلا كانت مارى عادله معاهم وكانت عادله مع نفسها بردو فى النهاية لما قتلت نفسها ههههههههههه
بصراحة ريحت واستريحت

غريب بقى ان دين لما جه ينقذ اخوة وكسر المراية فى نهاية الحلقة وظهرت مارى
جعلت دين كمان عينية تنزف دم رغم انه مش عمل شيئ اذنب عليه فى حياته
ولم يشعر بالذنب اطلاقا وقت انقاذه لأخوه
لكن هى يظهر عايزة تقتله وخلاص ههههههههه لله فى لله كدة هههههههههه
او يمكن عايزة تقتله عشان كسر المرايه بتاعتها اللى ماتت قدامها هههههههههه
فى شيئ كمان انا كان نفسى اعرفه حقيقى
كان نفسى دين وسام يكشفوا المرايه بتاعة مارى من الخلف ويكشفوا اسم قاتلها
لأنه كان لغاية اخر وقت مجرد تخمين انه دكتور جراح وليس تأكيد

من اكثر المشاهد اللى رعبتنى بردو ودمى نشف فيها لما البنت بتصرخ عشان تهرب من مارى المعكوسه عندها فى المرايات اثناء المحاضرة بتاعتها فى الكلية
وفجأة تشوف صورتها فى نظارة المعيد بتاعها وهو بيحاول يهديها شوية هههههههههههه
كانت خايفة من واحدة مارى
طلعتلها فى النظارة اتنين مارى هههههههههه فى كل عين واحدة مارى
دى جاية متسلطة ياجدعاااااااااااان ههههههههههه




التعديل الأخير تم بواسطة ورد فاتن ; 2016-06-16 الساعة 02:17 PM
رد مع اقتباس
  #42  
قديم 2016-06-16, 03:16 PM
الصورة الرمزية ورد فاتن
ورد فاتن ورد فاتن غير متواجد حالياً
عضو مبدع
 
تاريخ التسجيل: May 2016
المشاركات: 750
ورد فاتن is on a distinguished road
افتراضي رد: ♥ نـادى المسلسل العـــــــــــــــــــــــ supernatural ــــــــــــــــــــــــالمى ♥

اقتباس:
المشاركة الأصلية كتبت بواسطة A7MD مشاهدة المشاركة
الحلقة السادسة

يمكن الحلقة دى هى اكتر حلقة كانت منطقية فى طريقة اكتشافهم للجريمة و اختيارهم للمهمة
صديق قديم من الجامعة مش بتاع قتل ولا يحزنون يتهم فى قضية قتل

بالرغم من ذلك
لكن النهاية اللى اتحل بيها اللغز و اخرجت صديقهم من مأزقه مش حلوة
انهم فى الاخر بيتهموا دين بانه القاتل
طيب دين فيما بعد هيكمل حياته ازاى من مطاردة البوليس
يعنى مش قد كده

الوحش بتاع الحلقة دى كائن متحول
كل مشكلتة فى الدنيا انه مش لاقى واحدة تبادله الحب
فبيتنكر فى شكل ازواج و اصدقاء البنات اللى بتعجبه
ههههههههههههههههههههههه
اللى بيحركوا مزاجه مش مثلا زى مارى الدموية بيحركها المبادئ

طبعا حصلت مفاجأت كتير غير متوقعة و احنا بنشاهد الحلقة
خلتها ممتعة
لما اتنكر فى شكل دين
لما اتنكر فى شكل البنت اللى كانت زميلة سام فى الكلية
فى الاخر قتلهم ليه فى النهاية بسرعة و بدون رغيي كتير عشان ميدلوش فرصة انه يهرب او يفاجئهم زى ما عمل معاهم اول مرة فى المجارى
و لما اكتشفه سام



تعليقى على الحلقة السادسة من السيزون الاول


تعرف يا احمد ان انا رغم كرهى الشديد ((للشيب شيفتر)) دة الا انه صعبان عليا عشان وحدانى ونفسه حد يحس بيه
اتعاطفت معاه جدا لما كان بيحاول يشرح حالته لبيكى
لكن هموت واعرف هو قالها اية عشان هى تتعصب للدرجادى وتقوله اطلع برا بيتى او اتصل بالشرطة !!!
حاسة انه طلب منها حاجة قبيحة ههههههههههههه
اللهم انى صايمة ياخويا ههههههههههه

طبعا سام قروب عشان اكتشفت ان المتحول مش اخوة دين وافتكر الاصابه اللى كانت فى كتفه لما حدف عليه المفاتيح بتاعة السيارة
لكن مش فاهمه ليه الشيب شيفتر دة حابب يعذب البنات الحلوين ؟؟
يعنى مثلا هو حاول معاهم وهم رفضوا التقرب له
يبقى يمشى بقى بهدوء من غير ازعاج
لو كان مشى مش كان حد هيحاول البحث عن حل اللغز لوجود شخص بنفس الهيئة فى مكانين مختلفين بنفس التوقيت

طبعا مشهد تغيير جلد المتحول من هيئة دين لهيئة تانية كان مقرف مقرف مقرف لأبعد درجة
وعيب عليهم لما يعملوا مشهد زى دة مع بطل وسيم لأكبر درجة زى دين يالطريقة دى
زعلت من المخرج ومن المؤلف على فكرة بقى بسبب المشهد دة بقى

وكمان مشهد موت المتحول
كان المفروض انه يكون على اى هيئة تانية غير هيئة دين
حرام ياجماعة يكون فيه اتنين دين فى العالم ويتقتل منهم واحد حتى لو كان شرير
دا نوع صعب ييجى منه تانى كل 100 جيل واحد
لازم كانوا يحافظوا على النوع دة ((الملامح الوسيمة دى )) من الانقراض ههههههههه

__________________



رد مع اقتباس
  #43  
قديم 2016-06-16, 04:17 PM
الصورة الرمزية ورد فاتن
ورد فاتن ورد فاتن غير متواجد حالياً
عضو مبدع
 
تاريخ التسجيل: May 2016
المشاركات: 750
ورد فاتن is on a distinguished road
افتراضي رد: ♥ نـادى المسلسل العـــــــــــــــــــــــ supernatural ــــــــــــــــــــــــالمى ♥

اقتباس:
المشاركة الأصلية كتبت بواسطة a7md مشاهدة المشاركة
الحلقة السابعة

الرجل صاحب الخطاف

رجع المسلسل فى الحلقة دى لعادته طبعا

يخلينا نسأل نفسنا عن اى منطق اختار به الابطال المهمة
يعنى حوار الجرائد حوار الانترنت ده غير مقنع بالمرة نهائى فى اختيار الذهاب للتحقيق فى المهمة او لا

خصوصا انهم يعنى بيسافروا من مكان لمكان بعربية و كانوا رايحين مش متاكدين اذا كان ورا الجريمة حاجةى خارقة للطبيعة ولا لا
بدات طبعا الحلقة بصاحب الخطاف و هو بيقتل صديق البنت قبل ما يغلط معاها
هههههههههههههههههههههههههههههه
الغريبة ان البنت الغبية قال ايه قفلت على نفسها العربية فاكرة انه مش هيقدر يدخلها بدل ما تفتحها و تطلع تجرى و تهرب من الاول
و مازال المسلسل فى الحلقة دى بيعانى من اللامنطقية فى احداثه
استجواب الناس باى صفة
و هل كل الناس فى المسلسل فى منتهى البلاهة انهم يتكلموا مع كل غريب يسألهم و يحقق لمجرد انه بينتحل اى شخصية
حاجة كانت تضحك بصراحة لما البنت طلعت لسام سألته
انا شفتك واقف بره من الدور العلوى
لكن شفعله عندها وسامته بدل ما تبلغ عنه راحت عاوزة تحب فيه
ههههههههههههههههههههههههه
و فى الاخر طبعا يطلع ان الاخ ابو خطاف المختفى ده بيتغذى على حقد البنت دى مش على حقد ابوها
يعنى فى المجمل الحلقة دى اضعف الحلقات لغاية الوقت



تعليقى على الحلقة السابعة من السيزون الاول


هههههههههه هو يستاهل طبعا يا احمد اللى حصله ده عشان البت قالتله بس بطل وهو كان عايز يسوق فيها ههههههههههههه
بزمتك قالتله بطل ولا لاء ؟؟ انطق انطق :d
قول الحق :d
قالتله مرتين ورا بعض كل لما يحاول يعمل قلة ادب هى تقوله لاء
يبقى بصراحة بقى يستاهل اللى جراله ههههههههههههههه

بالنسبة للبنت يا احمد وقت الخضه بتبقى مش عارفة تفكر تعمل اية
يعنى كان تصرف منطقى منها لما شافت الواد اختفى لمجرد انه خرج برا العربيه يبقى هى مستحيل هتخرج برا العربية
وبعد كدة بقى فكرت فيها وقررت تجرى
لكن بعد لما طلعت برا العربية رجعت فكرت فيها تانى لقت الطريق مظلم وهتمشى فيه لوحدها وهى خايفة
فكرت ترجع للعربيه تانى وبتلف وشها لقت الصدمة فى وشها بالتمام والكمال :d:d
بشحمها ولحمها ههههههههههههه لاء وكمان ودمها :d:d

من المواقف الكوميديه طبعا فى الحلقة لما الولد اللى كان بيلون نفسه لون البنفسجى طلب من دين يكمل تلوين ظهره راح دين ملبسها لسام هههههههههههههههه
ومش بس كدة دة قعد يقول للولد ان سام بيفوت اجزاء مش مدهونه هههههههههههههه
ناقص يقوله اشتغل بضمير يافالح ههههههههههههههه

غريبة البت دى ؟؟ يعنى لما الواد قرب منها وبتاع قعدت تقوله بس وبطل ونو وكدة
ولما شافت سام يحلالها هى اللى تبتدى مع الواد وتغويه كمان ؟؟ ههههههههه :d:d
الواد مش عايز ومخلص لذكرى البت جيسكا
دانتى بنت سخيفة وربنا ههههههههههه
لكن ارجع واقول على رأيك يا احمد وسامته شفاعتله هههههههههه


رد مع اقتباس
  #44  
قديم 2016-06-16, 04:21 PM
الصورة الرمزية ورد فاتن
ورد فاتن ورد فاتن غير متواجد حالياً
عضو مبدع
 
تاريخ التسجيل: May 2016
المشاركات: 750
ورد فاتن is on a distinguished road
افتراضي رد: ♥ نـادى المسلسل العـــــــــــــــــــــــ supernatural ــــــــــــــــــــــــالمى ♥

اقتباس:
المشاركة الأصلية كتبت بواسطة a7md مشاهدة المشاركة
حاجة كمان بالنسبة للحلقة السابعة
دين اتمسك فى الحلقة دى و خرج من قسم البوليس بكفالة
طب ازاى مش كان الحلقة اللى قبلها متهم فى قتل الناس و لبس التهمة مكان "زاك"
يعنى هل البوليس فى المسلسل ده كمان من البلهاء انهم يفرجوا عنه
و لو افترضنا انه انتحل شخصية تانية و قدم هوية مزيفة
يمكن الكلام ده ياكل مع العامة لكن مش مع رجال البوليس اللى بيكشفوا عليها فى سجل الكمبيوتر اللى مينفعش يتزور اصلا
حاجات كتير بعيدة عن المنطق
عموما الحلقة السابعة زى ما قلت اضعف الحلقات
هم بينتقلوا من بلد لبلد
ممكن يكونوا سافروا ولم يتم القبض عليه وخصوصا انهم عارفين خلاص ان القاتل اللى نزلت الصور بتاعته على التليفزيون كان جثة هامدة خلاص
انت ناسى ان المتحول مات وهو مازال على هيئة دين
يعنى سقطت من عليه كل التهم بموت الجثة

__________________



رد مع اقتباس
  #45  
قديم 2016-06-16, 09:08 PM
الصورة الرمزية A7MD
A7MD A7MD غير متواجد حالياً
عضو مبدع
 
تاريخ التسجيل: May 2016
المشاركات: 562
A7MD is on a distinguished road
افتراضي رد: ♥ نـادى المسلسل العـــــــــــــــــــــــ supernatural ــــــــــــــــــــــــالمى ♥

يعنى يا نانو هو البوليس الامريكانى اهبل مثلا ولا ب 50 % زى عندنا
ازاى يعنى هيقبضوا عليه و يخرجوه كده على طول طيب فين الهوية بتاعته
و لو هوية مزورة ازاى مش هتتكشف لما يبحثوا عنها فى الكمبيوتر
شيئ مش منطقى

__________________

وداعا محمد على


MUHAMMAD ALI ( 1942 - 2016 )



رد مع اقتباس
  #46  
قديم 2016-06-17, 12:53 AM
الصورة الرمزية ورد فاتن
ورد فاتن ورد فاتن غير متواجد حالياً
عضو مبدع
 
تاريخ التسجيل: May 2016
المشاركات: 750
ورد فاتن is on a distinguished road
افتراضي رد: ♥ نـادى المسلسل العـــــــــــــــــــــــ supernatural ــــــــــــــــــــــــالمى ♥

فى حد منكم اتفرج على الحلقة الثامنه ؟؟

__________________



رد مع اقتباس
  #47  
قديم 2016-06-17, 02:40 AM
الصورة الرمزية ورد فاتن
ورد فاتن ورد فاتن غير متواجد حالياً
عضو مبدع
 
تاريخ التسجيل: May 2016
المشاركات: 750
ورد فاتن is on a distinguished road
افتراضي رد: ♥ نـادى المسلسل العـــــــــــــــــــــــ supernatural ــــــــــــــــــــــــالمى ♥

تعليقى على الحلقة الثامنه من السيزون الاول

مش فاهمه بصراحة !! شيئ يغيظ جدااااا !!
واحد وقع ورجله اتكسرت جوة حفرة واكتشف فيها مجموعة كبيرة من الحشرات
يقوم يفضل محلك سر كدة من غير مايحاول يبعدهم عن جسمه ؟؟
قاعد يصرخ وبس
النجده النجده (( طب ماتحاول يا بنى ادم تبعدهم عنك لغاية لما تيجى النجده )) بجد اتغاظت منه قوى


مشهد العملة النقديه اللى دايما سام ودين بيعملوها ملك ولا كتابه هههههههه
لما بيقابلوا خطر وبيبقوا خايفين وكل واحد يبقى قلقان من نتيجة العمله
طبعا دين استفز سام بطريقته المعهودة وخلاه يتحمس للنزول فى الحفرة المليانه بالحشرات ههههههه


من المشاهد الكوميدية بردو لما قابلوا صاحب المكان وافتكرهم شمال هههههههههه
طبعا سام ودين قالوا احنا اخوات عشان محدش يفهمهم غلط
لكن لما حضروا الحفلة وقابلوا مديرة المشروع اتفاجئوا انها قالت نفس اللى قالوا الراجل صاحب المكان عليهم
ههههههههههههه
طبعا دين اتريق وقال لاخوة سام ((هروح وارجع تانى ياحبيبتى ))
وضربه هههههههههههه
كان مشهد يضحك وكمان من المشاهد الكوميدية لما دخلوا منزل عشان دين ياخد شاور وخرج بالفوطة على راسه وقال حمام رائع ههههههههههههههههههه
عامل زى اللى خارجة من الحمام وكل خد عليه خوخة هههههههههه
لاء وكمان السعادة على وشه كانت كبيرة قوى وهو بيقول الحمام رائع ههههههههههه
كمان من المشاهد الكوميدية فى الحلقة لما قابلوا الراجل الاسمر العجوز واول لما دين اتكلم راح العجوز قاطعه وقال انت كداب
فى حين لما سام اتكلم الراجل العجوز قال انت مش كداب
وبص لدين وقال انا يعجبنى هو ههههههههههههههه
يالهوى على الاحرااااااااااااااااااااج ياعالم ههههههههههه


امممممم طبعا هوس الولد المراهق بأقتناء الحشرات كان قمه فى القرف بصراحة
حد فى الدنيا يحب الحشرات ؟؟


مشاهد الجدال اللى بين سام ودين على علاقه سام بأبوه وكمان جدال على رأى سام فى الاستقلال والانفصال عن العائلة كان بيدل على اهتمام دين الشديد جدا بالعائلة وانتماؤه للوالد وطاعته له
فى نفس الوقت كان بيوضح عدم رغبه سام فى الاستمرار فى حياة الصيد وعدم حبه للحياة دى
ورغبته فى الانفصال عن مهنه العائلة وعدم الاستمرار فيها
طبعا دين حاول كتير انه يحبب سام فى ابوة ويقوله كان ابوك بيسافر كتير لستانفرد عشان يقف قدام الجامعة يطمن عليك بس ويراقبك بدون وعى منك
سام حس لاول مرة ان ابوة فعلا بيحبه ويهمه انه يطمن عليه بأستمرار
كلام دين فى نهاية الحلقة لما قال لسام انهم هيلاقوا ابوهم و سام هيعتزرلوا وبعدين بعدها بدقيقة هيتخانقوا تانى كان بيدل على انه دائم الشجار مع ابوه وواضح جدا انهم مش طايقين بعض هههههههههه


طبعا المشاهد الاخيرة وهى اقتحام الحشرات المنزل بالكم اللى شوفناه دة كان رهيب وساعات مرت عليهم صعبه فعلا
كان المقصود انهم يعدوا الوقت لغاية طلوع الشمس بشرط انهم يكونوا بخير عشان تتكسر اللعنه الموجودة فى المنطقه

طبعا اللعنه فسرها الراجل الاسمر العجوز وشرحها بالتفصيل


يلا على التعليق وكمان الحلقة التاسعة يا جماعة

رد مع اقتباس
  #48  
قديم 2016-06-17, 03:41 AM
الصورة الرمزية A7MD
A7MD A7MD غير متواجد حالياً
عضو مبدع
 
تاريخ التسجيل: May 2016
المشاركات: 562
A7MD is on a distinguished road
افتراضي رد: ♥ نـادى المسلسل العـــــــــــــــــــــــ supernatural ــــــــــــــــــــــــالمى ♥

الحلقة الثامنة
طبعا مفيش حاجة تتقال بعد كلام الكبيرة بتاعتنا نانو
اللى هى السبب انها تخلينا اتابع المسلسل ده
انا هبدا زى كل مرة مع بداية الحقة
لاحظنا فى البداية ازاى الكاتب بيحاول يفسرلنا ازاى ابطال المسلسل بيكسبوا اكل عيشهم و ازاى بيصرفوا
يظهر الكاتب كان مركز على الحاجات الغير طبيعية فى مسلسله
و يظهر نسي ان ابطال المسلسل بشر طبيعيين لازملهم فلوس عشان ياكلوا و يشربوا
حاول يفسرلنا فى الحلقة دى حياتهم الطبيعية ماشية ازاى بعيد عن جو الاشباح و الوحوش
لكن برضه الكاتب خارج حدود المغامرة هو فاشل فى العملية دى
يعنى معقول القمار هما اللى بيكسبوا منه اكل عيشهم
لا و كمان سرقة ببطاقات الائتمان المغشوشة
يعنى تفسير مش مقنع لا يتناسب مع شخصيات المفترض انها ابطال ضد الشر يكونوا قدوة
لكن ربما يكون ده سببه افتقار للمؤلف فى النواحى الطبيعية للحياة و كانه فاكر ان المشاهدين بس هيركزوا على نجاح المسلسل طالما بيقدم النواحى الغير طبيعية
كالعادة طبعا الحلقة لم تختلف عن مثيلاتها " اللهم إلا الحلقة 6 " فى عدم منطقية اختيار المهمة و ترشيحها و الذهاب اليها
منين يعرف طالب لسه مخلصش دراسته حتى فى كلية الحقوق باعراض وفاة مرضى جنون البقر و تاكد و جزم بأن السبب شيئ غير طبيعى و بناء عليه قرر الذهاب للتحقيق
الكاتب عاوز يقدم ابطال المسلسل رحالة زى السندباد اللى بيلف البلاد فى مغامرات ضد الاشباح و الوحوش الشريرة
لكن مش قادر يمنطقلنا اختيارهم للمهمة
المسلسل مش هيبقى مشوق لمجرد انه بيقدم لنا مؤثرات بصرية و رعب و جايب اتنين فى غاية الوسامة
طيب لو انت عاوز تمشيها كده وسامة الابطال طيب موت جيسيكا ليه فى اول حلقة يخرب بيتك
هههههههههههههههههههههههههههههههههههههههههههه
لازم كمان الاحترافية فى الكتابة
حاجة كمان الايحاءات بتقبل المثليين و اسقاطها على ابطال المسلسل فى 3 مشاهد
ربما كاتب المسلسل و من ورائه الشركة المنتجة تقصد ذلك و تروج له بما يتناسب مع مجتمعهم الغربي
ة يمكن كمان العيش على القمار و السرقة مناسب لمجتمعهم
لكنه مرفوض تماما بالنسبة لينا كمسلمين
نتكلم عن صلب الموضوع وحش الحلقة المرة دى كانت الطبيعة
الطبيعة اللى نهضت بعد 200 سنة سلطت عليهم الحشرات عشان تاخد بثار الهنود الحمر اللى ابادهم الأوروبيين
و رواية الرجل العجوز اللى الزمن علمه لما لاحظ انهم كدابيين
" طالما انت بدات بجملة فى الحقيقة تبقى بتكدب "
و شرحلهم اللغز بمنتهى البساطة
لكن فى الاخر الطبيعة انتصرت و اجبرتهم الحشرات على الرحيل من الارض المستعمرة

__________________

وداعا محمد على


MUHAMMAD ALI ( 1942 - 2016 )



رد مع اقتباس
  #49  
قديم 2016-06-17, 05:15 AM
الصورة الرمزية A7MD
A7MD A7MD غير متواجد حالياً
عضو مبدع
 
تاريخ التسجيل: May 2016
المشاركات: 562
A7MD is on a distinguished road
افتراضي رد: ♥ نـادى المسلسل العـــــــــــــــــــــــ supernatural ــــــــــــــــــــــــالمى ♥

الحلقة العاشرة

بالرغم من ان ترشيح المهمة كان بناء على حلم
و انه فضلوها على اخبار الجرايد و الانترنت
لكنها منطقية جدااااااااا بخلاف اغلب الحلقات طالما ان المسلسل بيتكلم عن ظواهر غير طبيعية و اشباح
طبيعى يجيلهم التكليف بالمهمة فى حلم يراود سام عن منزلهم القديم و العائلة اللى فيه
و هيظهر ان الحلم ده ناتج شيئ مميز لسام عن اخوه هنعرفه فيما بعد فى نهاية الحلقة
توجهوا لبيتهم القديم و لسه دين هيكدب و يأفلم على الست الموجودة
بطريقة المؤلف الفاشلة اللى اختارها ليمكنهم من التحقيق مع الشهود
اخوه دخل مباشرة فى الحقيقة و قالها بيتهم القديم و عاوزين يشوفوه و الذكريات و كده
تقبلت الست انهم يدخلوا منزلهم ببساطة من غير كدب
طبعا اتاكدوا ان فى شبح فى البيت من كلام البنت الصغيرة و الست نفسها عن خربشة الفئران
اللى يضحك ان كلام البنت الصغيرة عن الخوف من النوم فى الظلام و العفريت اللى مستخبى جوه خزنة الملابس كان بيراودنا و كلنا و احنا صغيريين ههههههههههههههههههههههههههههههههههههههههههههههه
طبعا و فى تحقيقهم عن المكان كان لازم كالعادة انهم يرجعوا لتاريخه و يشوفوا الخوادث المرتبطة بالمكان و طبعا الحادثة المرتبطة بالمكان هى مقتل والدتهم
بداو يشوفوا اصحاب والدهم و يحققوا معاه
و طبعا كان مشهد يموت من الضحك ةو الراجل بيشتم ابوهم قدامهم
ههههههههههههههههههههههههههههههه
لغاية ما وصلوا للوسيطة الروحانية السمراء اللى بتقرأ الأفكار
الست دى شفتها قبل كده فى مسلسل او فيلم تانى مش فاكر فين بالظبط
العجيبة انهم اول ما دخلوا عرفتهم على طول و شبهت دين و هو صغير بجوفى " اللى هو نعرفه بإسم بإسم بندق صديق ميكى ماوس الأحمق "
و طبعا نازلة فيه تريقة و شتيمة فى دين طول الوقت و هى عمالة تقرأ افكاره
و يظهر ان دى الموهبة الكبيرة اللى عندها لانها مقدرتش تجزم بأن الروح الشريرة اختقت من المكان و كانت هتسبب فى قتل العائلة اللى موجودة فى البيت بعكس سام اللى كان حاسس بأن لا العملية منتهتش على كده
طبعا مشهد الولد الصغير لما اتحبس جوه التلاجة و قبله مشهد البنت الصغيرة و الشبح طالعلها من خزنة الملابس يخليك تتعاطف معاهم و تقول يارب الام تيجى تدخل بسرعة
و الحمد لله محدش من الاطفال مات
طبعا لانه مسلسل رعب كان لازم المؤلف يموتلنا حد فيه
الضحية الوحيدة المرة دى هى السباك بس اللى كان بيصلح الحوض اللى مشهد و فاته كان فيه دموية بشكل غريب و خصوصا القرد اللى عمال يطلعله لسانه ده
هههههههههههههههههههههههههههههههه
و هو مش قادر يحس ولا يفهم ان فى شيئ غريب قرد لعبة بيتحرك لوخده مش بيثير عندك اى شيئ غريب
يظهر ان الاغبياء بيموتوا بسرعة فى المسلسل ده
هههههههههههههههههههههههههههه
و يظهر ان مشهد موت السباك ده كان محطوط كده بدون مناسبة او انه اضاف بعدين عشان يزودوا الوقت او انه من طقوس المسلسل انه لازم حد يموت فى كل حلقة و يظهر نسيوا انهم يموتوا حد رجعوا افتكروا و ضافوه لاننا بعد كده معرفناش جثة السباك ده راحت فين و ازاى محدش اكتشفها بعد كده!!!!!

و طبعا لان سام كان عنده شيئ جواه ان الموضوع منتهاش كان منتظر خارج المنزل يراقب
و دى الموهبة اللى عنده و اللى خلته يشوف الحلم فى بداية الحلقة انه بيحس بوجود الارواح و اللى مكنتش موجوده عند الوسيطة السمراء و لا عند اخوه
نفس الموهبة دى اللى خلته يتعرف على شبح امه اللى تدخلت و انقذتهم فى الاخر و ضحت بنفسها عشان تتخلص من الروح الشريرة لكنه مقدرش يحس بأبوه و دى بقي المفاجاة الثالثة اللى كانت فى الحلقة
هى ان ابوهم موجود و عايش فى منزل الوسيطة الروحانية السمراء و مشتاق يشوفهم لكن منعرفش ليه مش بيروحلهم و حقيقة ايه اللى عاوز يعرفها قبل ما يواجههم
طيب ما يشترك مع ولاده فى البحث عنها
على الاقل هيبقى فى منطقية فى اختيار المهمات و يفسرلنا بطريقة منطقية برضه بيجيبوا فلوس يصرفوها منين
يمكن بعده عنهم ده اللى مخلى سام غضبان منه و مقدرش يحس بيه زى ما حس بامه
او يمكن موهبة سام انه يحس بالناس الميتة بس
عموما الحلقة دى كانت من احسن الحلقات بعد مارى الدموية
لانها اتعرضت لحاجات كتيرة عن حياة الابطال و عائلنهم
و نقدر نسميها كمان حلقة المفاجأت
ظهور امهم
موهبة سام فى الاحساس بالاشباح
كمان ظهور ابوهم

__________________

وداعا محمد على


MUHAMMAD ALI ( 1942 - 2016 )



رد مع اقتباس
  #50  
قديم 2016-06-17, 08:34 AM
الصورة الرمزية ورد فاتن
ورد فاتن ورد فاتن غير متواجد حالياً
عضو مبدع
 
تاريخ التسجيل: May 2016
المشاركات: 750
ورد فاتن is on a distinguished road
افتراضي رد: ♥ نـادى المسلسل العـــــــــــــــــــــــ supernatural ــــــــــــــــــــــــالمى ♥

اييييييييييييييييية الروعة دى يا احمد !!
انا كنت هنتظر لغاية لما اقدر اقعد قدام الجهاز عشان اعلق لكن لما دخلت المنتدى من التاب وشوفت كلامك وتعليقك دة مقدرتش انتظر وقلت اعلق بسرعة
عايزة اقول براااااااااافو عليك بجد
اول تعليق يخرج من طريقة الانتقاد المعهوده فى تعليقاتك على المسلسل
ويدخل فى تفاصيل الحلقة ومواقفها الكوميدية والدرامية
بصراحة انا اتكيفت من القراءة ههههههههههههه

__________________



رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اجمل ترحــــــيب للعضو الجديد ♥ a7md ♥ ورد فاتن قسم الترحيب بالاعضاء الجدد 10 2016-11-26 07:40 PM
♥ تعالى العب معانا فرنساوى ♥ ورد فاتن قسم استراحة الاعضاء 162 2016-06-08 09:30 PM
♥ عيد ميلاد سعيد nan000 وقبال مليون سنة ♥ elwarda قسم اعلانات الادارة 5 2016-06-07 01:03 AM
♥ اكتب مقطع من اغنية بتسمعها الوقتى ♥ ورد فاتن قسم استراحة الاعضاء 87 2016-06-06 09:00 PM

|

اعلانك يراه الكثير ... بأرخص الأسعار

Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir